fikr-e-in-o-an ne jab mujhko pareshan kar diya

fikr-e-īñ-o-āñ ne jab mujh ko pareshāñ kar diyā

maiñ ne sar nazr-e-junūn-e-fitna-sāmāñ kar diyā

dard-e-dil ne aur sab dardoñ kā darmāñ kar diyā

'ishq kī mushkil ne har mushkil ko āsāñ kar diyā

tum ne un ko kyā se kyā shauq-e-farāvāñ kar diyā

pahle jaañ phir jān-e-jāñ phir jān-e-jānāñ kar diyā

zulf-o-ruḳh ko Dhāñkiye ye bhī koī andāz hai

is ko hairāñ kar diyā us ko pareshāñ kar diyā

harche baada baad mā kashtī dar aab andākHtem

kar ke jur.at un se aaj iz.hār-e-armāñ kar diyā

mujh ko sūjhā bhī to ai 'majzūb' vahshat kā 'ilāj

maiñ ne dil vabasta-e-zulf-e-pareshāñ kar diyā

fikr-e-in-o-an ne jab mujh ko pareshan kar diya

main ne sar nazr-e-junun-e-fitna-saman kar diya

dard-e-dil ne aur sab dardon ka darman kar diya

'ishq ki mushkil ne har mushkil ko aasan kar diya

tum ne un ko kya se kya shauq-e-farawan kar diya

pahle jaan phir jaan-e-jaan phir jaan-e-jaanan kar diya

zulf-o-ruKH ko Dhankiye ye bhi koi andaz hai

is ko hairan kar diya us ko pareshan kar diya

harche baada baad ma kashti dar aab andakHtem

kar ke jurat un se aaj izhaar-e-arman kar diya

mujh ko sujha bhi to ai 'majzub' wahshat ka 'ilaj

main ne dil wabasta-e-zulf-e-pareshan kar diya