jo surat-gir husn-o-ishq ki duniya kahin hoti

jo sūrat-gīr husn-o-'ishq kī duniyā kahīñ hotī

tire zau kā falak bantā mirī zil kī zamīñ hotī

bas ab to ham-damoñ koī jagah aisī kahīñ hotī

akele baiThe rahte yaad un kī dil-nashīñ hotī

dikhā dete maza phir tum ko ham apne taḌapne kā

jo 'ālam be-falak hotā jo duniyā be-zamīñ hotī

sitāroñ ko ye hasrat hai ki hote vo mire aañsū

tamannā kahkashāñ ko hai vo merī āstīñ hotī

nahīñ karte haiñ va'ada diid kā vo hashr se pahle

dil-e-betāb kī zid hai abhī honī haiñ hotī

zarā dekho to tum insāf se 'majzūb' kī hai.at

mohabbat ke riyā-kāroñ kī ye sūrat nahīñ hotī

jo surat-gir husn-o-'ishq ki duniya kahin hoti

tere zau ka falak banta meri zil ki zamin hoti

bas ab to ham-damon koi jagah aisi kahin hoti

akele baiThe rahte yaad un ki dil-nashin hoti

dikha dete maza phir tum ko hum apne taDapne ka

jo 'alam be-falak hota jo duniya be-zamin hoti

sitaron ko ye hasrat hai ki hote wo mere aansu

tamanna kahkashan ko hai wo meri aastin hoti

nahin karte hain wa'ada did ka wo hashr se pahle

dil-e-betab ki zid hai abhi honi hain hoti

zara dekho to tum insaf se 'majzub' ki haiat

mohabbat ke riya-karon ki ye surat nahin hoti