ye kaun aaya ki dhimi paD gai lau shama ki

ye kaun aayā ki dhīmī paḌ ga.ī lau sham.a kī

patañgoñ ke 'evaz uḌne lagīñ chiñgāriyāñ dil kī

bahut ḳhush haiñ abhī khul jaa.eñ āñkheñ ahl-e-mahfil kī

kā pesh-e-nazar kar duuñ maiñ bazm-ārā.īyāñ dil kī

bas ab kyā ġham ye sun lī hai bashārat pīr-e-kāmil kī

safīr-e-kāmyābī haiñ yahī nākāmiyāñ dil kī

hameñ to raat din ai ham-safar chalne se matlab hai

safar mahdūd ho jin kā unheñ ho fikr manzil kī

kahīñ kaun-o-makāñ meñ jo na rakhī jā sakī ai dil

ġhazab dekhā vo chiñgārī mirī miTTī meñ shāmil kī

ye kaun aaya ki dhimi paD gai lau shama ki

patangon ke 'ewaz uDne lagin chingariyan dil ki

bahut KHush hain abhi khul jaen aankhen ahl-e-mahfil ki

ka pesh-e-nazar kar dun main bazm-araiyan dil ki

bas ab kya gham ye sun li hai bashaarat pir-e-kaamil ki

safir-e-kaamyabi hain yahi nakaamiyan dil ki

hamein to raat din ai ham-safar chalne se matlab hai

safar mahdud ho jin ka unhen ho fikr manzil ki

kahin kaun-o-makan mein jo na rakhi ja saki ai dil

ghazab dekha wo chingari meri miTTi mein shamil ki