یہ کون آیا کہ دھیمی پڑ گئی لو شمع کی

یہ کون آیا کہ دھیمی پڑ گئی لو شمع کی

پتنگوں کے عوض اڑنے لگیں چنگاریاں دل کی

بہت خوش ہیں ابھی کھل جائیں آنکھیں اہل محفل کی

اگر پیش نظر کر دوں میں بزم آرائیاں دل کی

بس اب کیا غم یہ سن لی ہے بشارت پیر کامل کی

سفیر کامیابی ہیں یہی ناکامیاں دل کی

ہمیں تو رات دن اے ہم سفر چلنے سے مطلب ہے

سفر محدود ہو جن کا انہیں ہو فکر منزل کی

کہیں کون و مکاں میں جو نہ رکھی جا سکی اے دل

غضب دیکھا وہ چنگاری مری مٹی میں شامل کی