wahan bhi koi bah kar ashk pahuncha hai magar apna

vahāñ bhī koī bah kar ashk pahuñchā hai magar apnā

bahut yaad aa rahā hai aaj jo ġhurbat meñ ghar apnā

lagā de muñh se ḳhum saaqī ki haiñ muddat ke pyāse ham

na hogā halq bhī us shīsha-e-sāġhar se tar apnā

ye dard ai bad-gumāñ kuchh dekhne kī chiiz agar hotī

maiñ rakh detā tire aage kaleja chiir kar apnā

tahayyur yaas sozish girya naala aah ġham hasrat

bahaltā hai inhīñ āThoñ se dil āThoñ pahar apnā

na be-dardī se jā yuuñ nīm-bismil chhoḌ kar zālim

tire qurbān haañ ik aur bhī tīr-e-nazar apnā

shab-e-vasl us ko kab kaafī hai roz-e-hashr sun lenā

bahut afsāna tūlānī hai qissa muḳhtasar apnā

vo saudā de mujhe jis kā asar jam’iyyat-e-dil ho

banā de ai ḳhudā 'majzūb' ko āshufta-sar apnā

wahan bhi koi bah kar ashk pahuncha hai magar apna

bahut yaad aa raha hai aaj jo ghurbat mein ghar apna

laga de munh se KHum saqi ki hain muddat ke pyase hum

na hoga halq bhi us shisha-e-saghar se tar apna

ye dard ai bad-guman kuchh dekhne ki chiz agar hoti

main rakh deta tere aage kaleja chir kar apna

tahayyur yas sozish girya nala aah gham hasrat

bahalta hai inhin aaThon se dil aaThon pahar apna

na be-dardi se ja yun nim-bismil chhoD kar zalim

tere qurban han ek aur bhi tir-e-nazar apna

shab-e-wasl us ko kab kafi hai roz-e-hashr sun lena

bahut afsana tulani hai qissa muKHtasar apna

wo sauda de mujhe jis ka asar jam’iyyat-e-dil ho

bana de ai KHuda 'majzub' ko aashufta-sar apna