dil jab hi dil hai jab us mein yaad-e-jaanana rahe

dil jab hī dil hai jab us meñ yād-e-jānāna rahe

ghar jab hī ghar hai jab us meñ sāhab-e-ḳhāna rahe

ham to bas duniyā meñ mahv-e-dīd-e-jānāna rahe

ġhair to haiñ ġhair ḳhud apne se be-gāna rahe

'āshiqoñ meñ koī 'āqil koī dīvāna rahe

maiñ huuñ vo dīvāngī meñ bhī jo farzāna rahe

pher luuñ ruḳh pher luuñ har mā-sivā se pher luuñ

maiñ rahūñ aur sāmne bas rū-e-jānāna rahe

hai yahī dastūr sāġhar pur kabhī ḳhālī kabhī

ek hālat hī pe kyuuñ ye dil kā paimāna rahe

aa samā jā mujh meñ ho paivast-e-jāñ ai jān-e-jāñ

aañkh merī gulistāñ ho dil jilau-ḳhāna rahe

de rahe haiñ vo nidā aur tū hai baḌ meñ mubtalā

hosh are un kā to ai 'majzūb'-e-mastāna rahe

dil jab hi dil hai jab us mein yaad-e-jaanana rahe

ghar jab hi ghar hai jab us mein sahab-e-KHana rahe

hum to bas duniya mein mahw-e-did-e-jaanana rahe

ghair to hain ghair KHud apne se be-gana rahe

'ashiqon mein koi 'aqil koi diwana rahe

main hun wo diwangi mein bhi jo farzana rahe

pher lun ruKH pher lun har ma-siwa se pher lun

main rahun aur samne bas ru-e-jaanana rahe

hai yahi dastur saghar pur kabhi KHali kabhi

ek haalat hi pe kyun ye dil ka paimana rahe

aa sama ja mujh mein ho paiwast-e-jaan ai jaan-e-jaan

aankh meri gulistan ho dil jilau-KHana rahe

de rahe hain wo nida aur tu hai baD mein mubtala

hosh are un ka to ai 'majzub'-e-mastana rahe