bayan adna sa faiz-e-bai’at pir-e-mughan kar dun

bayāñ adnā sā faiz-e-bai’at pīr-e-muġhāñ kar duuñ

jo gar jā۔ūñ maiñ sajde meñ zamīñ ko āsmāñ kar duuñ

karo tum zulm aur maiñ tark fariyād-o-fuġhāñ kar duuñ

zabāñ rakhte hue apne ko kyuuñ kar be-zabāñ kar duuñ

jo maiñ josh-e-junūñ meñ ḳhaak uḌā kar ik fuġhāñ kar duuñ

to gardūñ ko zamīñ kar duuñ zamīñ ko āsmāñ kar duuñ

na ghabrāo maiñ lo ab muḳhtasar hī dāstāñ kar duuñ

ik āh-e-jāñ-sitāñ meñ hāl-e-shab apnā bayāñ kar duuñ

na duniyā hī ke maiñ laa.eq na 'uqbā hī ke maiñ qābil

kahāñ apne ko ġhā.eb ai zamīn-o-āsmāñ kar duuñ

zarā hushiyār rahnā shaiḳh jī maiñ huuñ vo mastāna

nazar meñ zāhid-e-sad-sāla ko pīr-e-muġhāñ kar duuñ

maiñ go 'majzūb' huuñ lekin ba-faiz-e-murshid-e-kāmil

nazar meñ rāhzan ko rahnumā-e-sālikāñ kar duuñ

bayan adna sa faiz-e-bai’at pir-e-mughan kar dun

jo gar ja۔un main sajde mein zamin ko aasman kar dun

karo tum zulm aur main tark fariyaad-o-fughan kar dun

zaban rakhte hue apne ko kyun kar be-zaban kar dun

jo main josh-e-junun mein KHak uDa kar ek fughan kar dun

to gardun ko zamin kar dun zamin ko aasman kar dun

na ghabrao main lo ab muKHtasar hi dastan kar dun

ek aah-e-jaan-sitan mein haal-e-shab apna bayan kar dun

na duniya hi ke main laeq na 'uqba hi ke main qabil

kahan apne ko ghaeb ai zamin-o-asman kar dun

zara hushiyar rahna shaiKH ji main hun wo mastana

nazar mein zahid-e-sad-sala ko pir-e-mughan kar dun

main go 'majzub' hun lekin ba-faiz-e-murshid-e-kaamil

nazar mein rahzan ko rahnuma-e-salikan kar dun