tu apne dil se ghair ki ulfat na kho saka

tū apne dil se ġhair kī ulfat na kho sakā

maiñ chāhūñ aur ko to ye mujh se na ho sakā

rakhtā huuñ aise tāle'-e-bedār maiñ ki raat

ham-sāya mere nāloñ kī daulat na ho sakā

go naala nā-rasā ho na ho aah meñ asar

maiñ ne to darguzar na kī jo mujh se ho sakā

dasht-e-adam meñ jā ke nikālūñgā jī kā ġham

kunj-e-jahāñ meñ khol ke dil meñ na ro sakā

jo sham.a rote-rote hī guzrī tamām umr

tū bhī to 'dard' dāġh-e-jigar ko na dho sakā

tu apne dil se ghair ki ulfat na kho saka

main chahun aur ko to ye mujh se na ho saka

rakhta hun aise tale'-e-bedar main ki raat

ham-saya mere nalon ki daulat na ho saka

go nala na-rasa ho na ho aah mein asar

main ne to darguzar na ki jo mujh se ho saka

dasht-e-adam mein ja ke nikalunga ji ka gham

kunj-e-jahan mein khol ke dil mein na ro saka

jo shama rote-rote hi guzri tamam umr

tu bhi to 'dard' dagh-e-jigar ko na dho saka