kaam mardon ke jo hain so wahi kar jate hain

kaam mardoñ ke jo haiñ so vahī kar jaate haiñ

jaan se apne jo koī ki guzar jaate haiñ

maut kyā aake faqīroñ se tujhe lenā hai

marne se aage hī ye log to mar jaate haiñ

diid vā-dīd jo ho jaa.e ġhanīmat samjho

juuñ sharar varna ham ai ahl-e-nazar jaate haiñ

āñkheñ us bazm meñ sekī haiñ jinhoñ ne Tuk bhī

sham.a kī tarah garebāñ liye tar jaate haiñ

ham kisī raah se vāqif nahīñ juuñ nūr-e-nazar

rahnumā tū hī to ho jaatā hai jidhar jaate haiñ

ai rag-e-abr ye mizhgāñ bhī agar Tuk barseñ

ki pal meñ ka.ī tālāb to bhar jaate haiñ

aah ma.alūm nahīñ saath se apne shab-o-roz

log jaate haiñ chale so ye kidhar jaate haiñ

tā-qiyāmat nahīñ Talne kā dil-e-ālam se

'dard' ham apne evaz chhoḌe utar jaate haiñ

kaam mardon ke jo hain so wahi kar jate hain

jaan se apne jo koi ki guzar jate hain

maut kya aake faqiron se tujhe lena hai

marne se aage hi ye log to mar jate hain

did wa-did jo ho jae ghanimat samjho

jun sharar warna hum ai ahl-e-nazar jate hain

aankhen us bazm mein seki hain jinhon ne Tuk bhi

shama ki tarah gareban liye tar jate hain

hum kisi rah se waqif nahin jun nur-e-nazar

rahnuma tu hi to ho jata hai jidhar jate hain

ai rag-e-abr ye mizhgan bhi agar Tuk barsen

ki pal mein kai talab to bhar jate hain

aah malum nahin sath se apne shab-o-roz

log jate hain chale so ye kidhar jate hain

ta-qiyamat nahin Talne ka dil-e-alam se

'dard' hum apne ewaz chhoDe utar jate hain