khula darwaza mere dil pe az-bas aur aalam ka

khulā darvāza mere dil pe az-bas aur a.alam kā

na andesha hai shādī kā mujhe ne fikr hai ġham kā

buland-o-past sab hamvār haiñ yaañ apnī nazroñ meñ

barābar saaz meñ hotā hai juuñ sar zer aur bam kā

gulistān-e-jahāñ kā diid kiijo chashm-e-ibrat se

ki har ik sarv-qad hai is chaman meñ naḳhl-e-mātam kā

chaman meñ bāġhbāñ se sub.h ko kahtī thī ye bulbul

guloñ ke muñh pe yuuñ chaḌhtī hai diida dekh shabnam kā

nahīñ mazkūr-e-shāhāñ 'dard' hargiz apnī majlis meñ

kabhū kuchh zikr aayā bhī to ibrāhīm adham kā

khula darwaza mere dil pe az-bas aur aalam ka

na andesha hai shadi ka mujhe ne fikr hai gham ka

buland-o-past sab hamwar hain yan apni nazron mein

barabar saz mein hota hai jun sar zer aur bam ka

gulistan-e-jahan ka did kijo chashm-e-ibrat se

ki har ek sarw-qad hai is chaman mein naKHl-e-matam ka

chaman mein baghban se subh ko kahti thi ye bulbul

gulon ke munh pe yun chaDhti hai dida dekh shabnam ka

nahin mazkur-e-shahan 'dard' hargiz apni majlis mein

kabhu kuchh zikr aaya bhi to ibrahim adham ka