کھلا دروازہ میرے دل پہ از بس اور عالم کا

کھلا دروازہ میرے دل پہ از بس اور عالم کا

نہ اندیشہ ہے شادی کا مجھے نے فکر ہے غم کا

بلند و پست سب ہموار ہیں یاں اپنی نظروں میں

برابر ساز میں ہوتا ہے جوں سر زیر اور بم کا

گلستان جہاں کا دید کیجو چشم عبرت سے

کہ ہر اک سرو قد ہے اس چمن میں نخل ماتم کا

چمن میں باغباں سے صبح کو کہتی تھی یہ بلبل

گلوں کے منہ پہ یوں چڑھتی ہے دیدہ دیکھ شبنم کا

نہیں مذکور شاہاں دردؔ ہرگز اپنی مجلس میں

کبھو کچھ ذکر آیا بھی تو ابراہیم ادھم کا