جی کی جی ہی میں رہی بات نہ ہونے پائی

جی کی جی ہی میں رہی بات نہ ہونے پائی

ایک بھی اس سے ملاقات نہ ہونے پائی

دید وا دید ہوئی دور سے میری اس کی

پر جو میں چاہا تھا سو بات نہ ہونے پائی

کون وہ بے سر و ساماں ہے کہ یا رب جز اشک

جس کی خاطر کہیں برسات نہ ہونے پائی

اٹھ چلے شیخ جی تم مجلس رنداں سے شتاب

ہم سے کچھ خوب مدارات نہ ہونے پائی

جی میں منظور تھی جو آپ کی خدمت گاری

سو تو اے قبلۂ جات نہ ہونے پائی

جی فنا ہو گیا اک نگہ گرم کے ساتھ

دردؔ کچھ اور عنایات نہ ہونے پائی