kab tera diwana aawe qaid mein tadbir se
kab tirā dīvāna aave qaid meñ tadbīr se
juuñ sadā niklā hī chāhe kHāna-e-zanjīr se
qadr mardoñ kī samajhne ke nahīñ ye māya-dar
jauharī vāqif na hove jauhar-e-shamshīr se
dekhnā tū aa ke az ḳhud raftagāñ kā haal Tuk
jā-ba-jā sab pusht-bar-dīvār haiñ tasvīr se
mun.im aise qasr lākhoñ mil ga.e haiñ ḳhaak meñ
juz ḳharābī ke batā kyā fā.eda ta.amīr se
'dard' ab hañste haiñ rone par mere sab ḳhās-o-ām
kyā hue vo naale jo lagte the dil meñ tiir se
kab tera diwana aawe qaid mein tadbir se
jun sada nikla hi chahe kHana-e-zanjir se
qadr mardon ki samajhne ke nahin ye maya-dar
jauhari waqif na howe jauhar-e-shamshir se
dekhna tu aa ke az KHud raftagan ka haal Tuk
ja-ba-ja sab pusht-bar-diwar hain taswir se
munim aise qasr lakhon mil gae hain KHak mein
juz KHarabi ke bata kya faeda tamir se
'dard' ab hanste hain rone par mere sab KHas-o-am
kya hue wo nale jo lagte the dil mein tir se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
