is zist ka etibar kya hai

is ziist kā e'tibār kyā hai

koī dam meñ ye zindagī havā hai

guzrā hai nazar se ek a.alam

ye chashm nahīñ hai naqsh-e-pā hai

zālim Tuk idhar to dekh le tū

koī pal meñ ḳhudā hī jaane kyā hai

Dhānā to hai dil ke ta.iiñ va-lekin

tū jaan ye ḳhāna-e-ḳhudā hai

hai dīd-e-fanā hī hāsil-e-chashm

uqda ye habāb par khulā hai

zāhir hai tujhī se to ye a.alam

tū mujh ko batā kahīñ chhupā hai

duniyā se umīd-e-pā.edārdī

ye vahm tirā kidhar gayā hai

juuñ ā.īna muñh kisī se mat pher

tere dil meñ agar safā hai

kuchh paa.ī ḳhabar na maiñ ne dil kī

kis ke vo ḳhayāl meñ gayā hai

is zist ka e'tibar kya hai

koī dam mein ye zindagi hawa hai

guzra hai nazar se ek aalam

ye chashm nahin hai naqsh-e-pa hai

zalim Tuk idhar to dekh le tu

koi pal mein KHuda hi jaane kya hai

Dhana to hai dil ke tain wa-lekin

tu jaan ye KHana-e-KHuda hai

hai did-e-fana hi hasil-e-chashm

uqda ye habab par khula hai

zahir hai tujhi se to ye aalam

tu mujh ko bata kahin chhupa hai

duniya se umid-e-paedardi

ye wahm tera kidhar gaya hai

jun aaina munh kisi se mat pher

tere dil mein agar safa hai

kuchh pai KHabar na main ne dil ki

kis ke wo KHayal mein gaya hai