tha adam bhi mujhe ek pech-o-tab

thā adam bhī mujhe ik pech-o-tāb

muztarib ho jis tarah mauj-e-sarāb

be-bizā.at haiñ sab ahl-e-zarfq barq

chashma-e-ḳhurshīd meñ kīdhar hai aab

maut hai asā.ish-e-uftādgāñ

chashm-e-naqsh-e-pā ko miT jaatā hai ḳhvāb

kyuuñ na ho sharminda rū-e-zamīñ

sail-e-ashk aisā nahīñ ḳhāna-ḳharāb

be-tunak zarfoñ ko be-jā mai-kashī

jām-e-mai kab ho sake jām-e-habāb

hañste haiñ koī kabhū dil-murdgāñ

gor ke lab par tabassum kyā hisāb

mai-kashāñ karne lage mehnat-kashī

'dard' hotā hai dil-e-yārāñ kabāb

tha adam bhi mujhe ek pech-o-tab

muztarib ho jis tarah mauj-e-sarab

be-bizaat hain sab ahl-e-zarfq barq

chashma-e-KHurshid mein kidhar hai aab

maut hai asaish-e-uftadgan

chashm-e-naqsh-e-pa ko miT jata hai KHwab

kyun na ho sharminda ru-e-zamin

sail-e-ashk aisa nahin KHana-KHarab

be-tunak zarfon ko be-ja mai-kashi

jam-e-mai kab ho sake jam-e-habab

hanste hain koi kabhu dil-murdgan

gor ke lab par tabassum kya hisab

mai-kashan karne lage mehnat-kashi

'dard' hota hai dil-e-yaran kabab