تھا عدم بھی مجھے اک پیچ و تاب

تھا عدم بھی مجھے اک پیچ و تاب

مضطرب ہو جس طرح موج سراب

بے بضاعت ہیں سب اہل زرق برق

چشمۂ خورشید میں کیدھر ہے آب

موت ہے آسائش افتادگاں

چشم نقش پا کو مٹ جاتا ہے خواب

کیوں نہ ہو شرمندہ روئے زمیں

سیل اشک ایسا نہیں خانہ خراب

بے تنک ظرفوں کو بیجا مے کشی

جام مے کب ہو سکے جام حباب

ہنستے ہیں کوئی کبھو دل مردگاں

گور کے لب پر تبسم کیا حساب

مے کشاں کرنے لگے محنت کشی

دردؔ ہوتا ہے دل یاراں کباب