aaram se kabhu hi na yakbar so gae

ārām se kabhū hī na yakbār so ga.e

aise hamāre tāle'-e-bedār so ga.e

ḳhvāb-e-adam se chauñke the ham tere vāste

āḳhir ko jāg-jāg ke nā-chār so ga.e

uThtī nahīñ hai kHāna-e-zanjīr se sadā

dekho to kyā sabhī ye giraftār so ga.e

terī galī hai yā koī ārām-gāh hai

rakhte qadam ke paañv to har baar so ga.e

ve mar chuke jo raunaq-e-bazm-e-jahān the

ab uThiye 'dard' yaañ se ki sab yaar so ga.e

aaram se kabhu hi na yakbar so gae

aise hamare tale'-e-bedar so gae

KHwab-e-adam se chaunke the hum tere waste

aaKHir ko jag-jag ke na-chaar so gae

uThti nahin hai kHana-e-zanjir se sada

dekho to kya sabhi ye giraftar so gae

teri gali hai ya koi aaram-gah hai

rakhte qadam ke panw to har bar so gae

we mar chuke jo raunaq-e-bazm-e-jahan the

ab uThiye 'dard' yan se ki sab yar so gae