gar KHak meri surma-e-absar na howe

gar ḳhaak mirī surma-e-absār na hove

to koī nazar qābil-e-dīdār na hove

sar-rishta-e-ulfat hai baḌā shaiḳh-o-barhaman

ye rishta ba-juz sub.ha-o-zunnār na hove

gar qaid hī qismat meñ hai kuchh aur ho yā-rab

par dil to kiso dil se giraftār na hove

phir maut kisī tarah to nazdīk na phaTke

duniyā meñ ye jiine kā jo āzār na hove

dil aise sitam-gār se iz.hār-e-mohabbat

aisā kahīñ phir dekhiyo zinhār na hove

kar zindagī is taur se ai 'dard' jahāñ meñ

ḳhātir pe kiso shaḳhs ke tū baar na hove

gar KHak meri surma-e-absar na howe

to koi nazar qabil-e-didar na howe

sar-rishta-e-ulfat hai baDa shaiKH-o-barhaman

ye rishta ba-juz subha-o-zunnar na howe

gar qaid hi qismat mein hai kuchh aur ho ya-rab

par dil to kiso dil se giraftar na howe

phir maut kisi tarah to nazdik na phaTke

duniya mein ye jine ka jo aazar na howe

dil aise sitam-gar se izhaar-e-mohabbat

aisa kahin phir dekhiyo zinhaar na howe

kar zindagi is taur se ai 'dard' jahan mein

KHatir pe kiso shaKHs ke tu bar na howe