kaif-o-kam ko dekh use be-kaif-o-kam kahne lage

kaif-o-kam ko dekh use be-kaif-o-kam kahne lage

jab hudūs apnā khulā rāz-e-qadam kahne lage

ġhair kuchh-kuchh kaan meñ bhī dam-ba-dam kahne lage

baat tum ab apne dil kī ham se kam kahne lage

vāh-vā qismat kī mahjūrī ko dekhā chāhai

vo huā be-parda tab ham us ko ham kahne lage

ġhāfilo tum baat apnī bhī samajhte hī nahīñ

hai kisī kā vo dahan jis ko adam kahne lage

but-parastī kufr yaañ dil kī giraftārī hai 'dard'

chāhne jis ko lage us ko sanam kahne lage

kaif-o-kam ko dekh use be-kaif-o-kam kahne lage

jab hudus apna khula raaz-e-qadam kahne lage

ghair kuchh-kuchh kan mein bhi dam-ba-dam kahne lage

baat tum ab apne dil ki hum se kam kahne lage

wah-wa qismat ki mahjuri ko dekha chahai

wo hua be-parda tab hum us ko hum kahne lage

ghafilo tum baat apni bhi samajhte hi nahīñ

hai kisi ka wo dahan jis ko adam kahne lage

but-parasti kufr yan dil ki giraftari hai 'dard'

chahne jis ko lage us ko sanam kahne lage