کیف و کم کو دیکھ اسے بے کیف و م کہنے لگے

کیف و کم کو دیکھ اسے بے کیف و م کہنے لگے

جب حدوث اپنا کھلا راز قدم کہنے لگے

غیر کچھ کچھ کان میں بھی دم بدم کہنے لگے

بات تم اب اپنے دل کی ہم سے کم کہنے لگے

واہ وا قسمت کی مہجوری کو دیکھا چاہئے

وہ ہوا بے پردہ تب ہم اس کو ہم کہنے لگے

غافلو تم بات اپنی بھی سمجھتے ہی سے

ہے کسی کا وہ دہن جس کو عدم کہنے لگے

بت پرستی کفر یاں دل کی گرفتاری ہے دردؔ

چاہنے جس کو لگے اس کو صنم کہنے لگے