sarsabz tha nistan mere hi ashk-e-gham se

sarsabz thā nīstāñ mere hī ashk-e-ġham se

the saikḌoñ hī naale vābasta ek dam se

vāqif na yaañ kisū se ham haiñ na koī ham se

ya.anī ki aa ga.e haiñ bahke hue adam se

maiñ go nahīñ azal se par tā-abad huuñ baaqī

merā hudūs āḳhir jaahi Therā qadam se

gar chāhiye to miliye aur chāhiye na miliye

sab tum se ho sake hai mumkin nahīñ to ham se

mushtāq gar tirā kuchh likhe to kyā ajab hai

hoñ misl-e-nargis āñkheñ paidā abhī qalam se

har chand ye tamannā dar-ḳhur nahīñ hamāre

nazdīk tū jo aave kyā duur hai karam se

ab maiñ kahāñ vo naale sar-gashtagī kidhar hai

thiiñ sab vo bāteñ sābit mere hī dam-qadam se

hai ik nigāh kaanī go hove gāh-gāhe

chandāñ nahīñ hai matlab 'āshiq ko besh-o-kam se

kaahe ko hotī ham ko gardish nasīb tāle.a

gar paañv apnā bāhar rakhte na ham adam se

aate haiñ daam meñ kab ḳhurshīd-rū kisū ke

ai shaiḳh ye nahīñ haiñ tasbīh ke se shamse

hai 'dard' par bhī kuchh to merī hī sī musībat

ghere hai aur hī ġham chhūTe jo ek ġham se

sarsabz tha nistan mere hi ashk-e-gham se

the saikDon hi nale wabasta ek dam se

waqif na yan kisu se hum hain na koi hum se

yani ki aa gae hain bahke hue adam se

main go nahin azal se par ta-abad hun baqi

mera hudus aaKHir jahi Thera qadam se

gar chahiye to miliye aur chahiye na miliye

sab tum se ho sake hai mumkin nahin to hum se

mushtaq gar tera kuchh likhe to kya ajab hai

hon misl-e-nargis aankhen paida abhi qalam se

har chand ye tamanna dar-KHur nahin hamare

nazdik tu jo aawe kya dur hai karam se

ab main kahan wo nale sar-gashtagi kidhar hai

thin sab wo baaten sabit mere hi dam-qadam se

hai ek nigah kani go howe gah-gahe

chandan nahin hai matlab 'ashiq ko besh-o-kam se

kahe ko hoti hum ko gardish nasib talea

gar panw apna bahar rakhte na hum adam se

aate hain dam mein kab KHurshid-ru kisu ke

ai shaiKH ye nahin hain tasbih ke se shamse

hai 'dard' par bhi kuchh to meri hi si musibat

ghere hai aur hi gham chhuTe jo ek gham se