jae kis waste ai dard mai-KHane ke bich

jaa.e kis vāste ai 'dard' mai-ḳhāne ke biich

aur hī hastī hai apne dil ke paimāne ke beach

ā.īna kī tarah ġhāfil khol chhātī ke kivāḌ

dekh tū hai kaun baare tere kāshāne ke biich

sair-e-bāġh-e-bostāñ to hai muyassar har ghaḌī

aa.iye gaahe faqīroñ ke bhī kāshāne ke biich

jo maze haiñ marg meñ so ham se pūchhā chāhiye

kaun jaane aah kyā lazzat hai mar jaane ke biich

uqda-e-dil khol misl-e-qatra nādāñ kab talak

juuñ guhar ġhaltāñ rahegā aab aur daane ke beach

pech-o-tāb itnā jo hai yaañ is dil-e-sad chaak ko

zulf uljhī hai kiso kī zāhiran shāne ke biich

baḳht ḳhvāb-ālud ne mere sulāyā us ko 'dard'

varna phūñkā thā hī afsūñ maiñ ne afsāne ke biich

jae kis waste ai 'dard' mai-KHane ke bich

aur hi hasti hai apne dil ke paimane ke beach

aaina ki tarah ghafil khol chhati ke kiwaD

dekh tu hai kaun bare tere kashane ke bich

sair-e-bagh-e-bostan to hai muyassar har ghaDi

aaiye gahe faqiron ke bhi kashane ke bich

jo maze hain marg mein so hum se puchha chahiye

kaun jaane aah kya lazzat hai mar jaane ke bich

uqda-e-dil khol misl-e-qatra nadan kab talak

jun guhar ghaltan rahega aab aur dane ke beach

pech-o-tab itna jo hai yan is dil-e-sad chaak ko

zulf uljhi hai kiso ki zahiran shane ke bich

baKHt KHwab-alud ne mere sulaya us ko 'dard'

warna phunka tha hi afsun main ne afsane ke bich