kuchh dil hi bagh mein nahin tanha shikasta-dil

kuchh dil hī baaġh meñ nahīñ tanhā shikasta-dil

har ġhuncha dekhtā huuñ to haigā shikasta-dil

hāthoñ se mohtasib ke haiñ ab mai-kada ke biich

sāġhar shikasta-kHātir-o-mīnā shikasta-dil

shādī kī aur ġham kī hai duniyā meñ ek shakl

gul ko shagufta-dil kaho tum yā shikasta-dil

yā rab durust-go na rahūñ tere ahd par

banda se par na ho koī banda shikasta-dil

kī jis kī juuñ habāb zamāne ne dil-dahī

chhoḌā na phir use na kiyā tā-shikasta

lāzim hai goshā-e-shikan zulf meñ tirī

zālim koī paḌā rahe mujh-sā shikasta-dil

sab ḳhūn-e-dil Tapak hī gayā būñd-būñd kar

ai 'dard' bas-ki ishq se maiñ thā shikasta-dil

kuchh dil hi bagh mein nahin tanha shikasta-dil

har ghuncha dekhta hun to haiga shikasta-dil

hathon se mohtasib ke hain ab mai-kada ke bich

saghar shikasta-kHatir-o-mina shikasta-dil

shadi ki aur gham ki hai duniya mein ek shakl

gul ko shagufta-dil kaho tum ya shikasta-dil

ya rab durust-go na rahun tere ahd par

banda se par na ho koi banda shikasta-dil

ki jis ki jun habab zamane ne dil-dahi

chhoDa na phir use na kiya ta-shikasta

lazim hai gosha-e-shikan zulf mein teri

zalim koi paDa rahe mujh-sa shikasta-dil

sab KHun-e-dil Tapak hi gaya bund-bund kar

ai 'dard' bas-ki ishq se main tha shikasta-dil