aalam-e-masti hai aaina-e-ruKH ruKH-e-pur-nur ka

ālam-e-mastī hai ā.īna-e-ruḳh ruḳh-e-pur-nūr kā

be-ḳhudī meñ dekhte haiñ ham tamāsha nuur kā

jalva-gar ik ik adā meñ hai tamāsha tuur kā

hai judā a.alam do-ālam se but-e-maġhrūr kā

ek rashk-e-hūr kī ulfat ne maarā hai mujhe

na.ash par chhiḌkāv hogā ḳhuld ke kāfūr kā

haq pe sar kaTvāte aa.e haiñ hamesha ahl-e-haq

kyā huā ki kaaTā agar sar-e-dār par mansūr kā

jab kiyā dil meñ tasavvur us sarāpā nuur kā

jalva pahlū meñ nazar aayā charāġh-e-tūr kā

zabt soz-e-ishq ne phūñkā hai 'nāsir' is qadar

dil nahīñ pahlū meñ ik sho.ala hai barq-e-tūr kā

aalam-e-masti hai aaina-e-ruKH ruKH-e-pur-nur ka

be-KHudi mein dekhte hain hum tamasha nur ka

jalwa-gar ek ek ada mein hai tamasha tur ka

hai juda aalam do-alam se but-e-maghrur ka

ek rashk-e-hur ki ulfat ne mara hai mujhe

nash par chhiDkaw hoga KHuld ke kafur ka

haq pe sar kaTwate aae hain hamesha ahl-e-haq

kya hua ki kaTa agar sar-e-dar par mansur ka

jab kiya dil mein tasawwur us sarapa nur ka

jalwa pahlu mein nazar aaya charagh-e-tur ka

zabt soz-e-ishq ne phunka hai 'nasir' is qadar

dil nahin pahlu mein ek shoala hai barq-e-tur ka