hikmat se ye Khaali nahin labrez saqi jam kar

hikmat se ye ḳhālī nahīñ labrez saaqī jaam kar

daur-o-tasalsul meñ na phañs dīvāngī meñ naam kar

kahte haiñ tujh se be-ḳhabar auqāt ko zaa.e' na kar

jo kaam kal aave tire so aaj tū vo kaam kar

jo jo balā.eñ āfateñ aatī haiñ terī jaan par

tū jaan hī se haath uThā phir shauq se ārām kar

dāġh-e-jigar ke ye dey chāhe ki tū raushan raheñ

is raushnī ke charḳh meñ tū roġhan-e-bādām kar

maqsūd agar manzūr hai ronā agar matlūb hai

le shaam se tā-sub.h kar phir sub.h se tā-shām kar

sun baat to ye 'ishq kī ai shaiḳh agar daanā hai tū

razzāq hai rozī-rasāñ tasbīh ko mat daam kar

hikmat se ye KHali nahin labrez saqi jam kar

daur-o-tasalsul mein na phans diwangi mein nam kar

kahte hain tujh se be-KHabar auqat ko zae' na kar

jo kaam kal aawe tere so aaj tu wo kaam kar

jo jo balaen aafaten aati hain teri jaan par

tu jaan hi se hath uTha phir shauq se aaram kar

dagh-e-jigar ke ye dey chahe ki tu raushan rahen

is raushni ke charKH mein tu roghan-e-baadam kar

maqsud agar manzur hai rona agar matlub hai

le sham se ta-subh kar phir subh se ta-sham kar

sun baat to ye 'ishq ki ai shaiKH agar dana hai tu

razzaq hai rozi-rasan tasbih ko mat dam kar