baaten bana na itni zahid tu baiTh ja kar

bāteñ banā na itnī zāhid tū baiTh jā kar

paayā hai us sanam ko ham ne ḳhudā ḳhudā kar

jaur-o-jafā uThā kar teġh-e-sitam ko khā kar

bāñkā tujhe banāyā ab 'ishq ko du'ā kar

dil dard se tū ḳhūgar mat hañs ke ho pareshāñ

ġhuncha ne kuchh bhī paayā gulshan meñ khilkhilā kar

nāseh tū sa'ī apnī zaa.e' na kar butāñ se

dil to judā na hogā haañ sar ko le judā kar

raushan charāġh-e-ulfat siina meñ 'ishq ke thā

kuchh haath tere aayā zālim use bujhā kar

baaten bana na itni zahid tu baiTh ja kar

paya hai us sanam ko hum ne KHuda KHuda kar

jaur-o-jafa uTha kar tegh-e-sitam ko kha kar

banka tujhe banaya ab 'ishq ko du'a kar

dil dard se tu KHugar mat hans ke ho pareshan

ghuncha ne kuchh bhi paya gulshan mein khilkhila kar

naseh tu sa'i apni zae' na kar butan se

dil to juda na hoga han sar ko le juda kar

raushan charagh-e-ulfat sina mein 'ishq ke tha

kuchh hath tere aaya zalim use bujha kar