باتیں بنا نہ اتنی زاہد تو بیٹھ جا کر

باتیں بنا نہ اتنی زاہد تو بیٹھ جا کر

پایا ہے اس صنم کو ہم نے خدا خدا کر

جور و جفا اٹھا کر تیغ ستم کو کھا کر

بانکا تجھے بنایا اب عشق کو دعا کر

دل درد سے تو خوگر مت ہنس کے ہو پریشاں

غنچہ نے کچھ بھی پایا گلشن میں کھلکھلا کر

ناصح تو سعی اپنی ضائع نہ کر بتاں سے

دل تو جدا نہ ہوگا ہاں سر کو لے جدا کر

روشن چراغ الفت سینہ میں عشق کے تھا

کچھ ہاتھ تیرے آیا ظالم اسے بجھا کر