tujhse kya kya kahen ki kya hain hum

tujh se kyā kyā kaheñ ki kyā haiñ ham

al-ġharaz banda-e-ḳhudā haiñ ham

har tarh se hameñ ġhanīmat jaan

dard haiñ mehar haiñ vafā haiñ ham

na salāmun-’alaik hai na payām

kahne ko tere āshnā haiñ ham

chāhtā hai tujhe jahāñ saarā

par unhīñ se miyāñ judā haiñ ham

tere bandoñ meñ jab hue mash.hūr

aap ko jo kaheñ bajā haiñ ham

be-sar-o-pā haiñ aab ke mānind

'ishq' mil chalne ko balā haiñ ham

tujh se kya kya kahen ki kya hain hum

al-gharaz banda-e-KHuda hain hum

har tarh se hamein ghanimat jaan

dard hain mehar hain wafa hain hum

na salamun-’alaik hai na payam

kahne ko tere aashna hain hum

chahta hai tujhe jahan sara

par unhin se miyan juda hain hum

tere bandon mein jab hue mashhur

aap ko jo kahen baja hain hum

be-sar-o-pa hain aab ke manind

'ishq' mil chalne ko bala hain hum