ishq ka main piya hai jam aql kahan aur main kahan

'ishq kā maiñ piyā hai jaam 'aql kahāñ aur maiñ kahāñ

duur huā hai nañg-o-nām 'aql kahāñ aur maiñ kahāñ

'aql to yaañ huī hai dañg hosh kā uḌ gayā hai rañg

sabr mirā huā hai tañg 'aql kahāñ aur maiñ kahāñ

'ishq kī maiñ huā zabāñ 'aql kā phūñkā ḳhānumāñ

hai ye 'ayāñ nahīñ nihāñ 'aql kahāñ aur maiñ kahāñ

kyā kahūñ ab kahāñ huuñ maiñ dekhoge jo jahāñ huuñ maiñ

ā.īna-e-jahāñ huuñ maiñ 'aql kahāñ aur maiñ kahāñ

jaam huuñ yā sharāb huuñ gauhar huuñ yā hubāb huuñ

kyā kahūñ aab aab huuñ 'aql kahāñ aur maiñ kahāñ

mujh se do-chār 'ishq hai sāhib-e-kār 'ishq' hai

hamdam dayār-e-'ishq hai 'aql kahāñ aur maiñ kahāñ

'ishq ka main piya hai jam 'aql kahan aur main kahan

dur hua hai nang-o-nam 'aql kahan aur main kahan

'aql to yan hui hai dang hosh ka uD gaya hai rang

sabr mera hua hai tang 'aql kahan aur main kahan

'ishq ki main hua zaban 'aql ka phunka KHanuman

hai ye 'ayan nahin nihan 'aql kahan aur main kahan

kya kahun ab kahan hun main dekhoge jo jahan hun main

aaina-e-jahan hun main 'aql kahan aur main kahan

jam hun ya sharab hun gauhar hun ya hubab hun

kya kahun aab aab hun 'aql kahan aur main kahan

mujh se do-chaar 'ishq hai sahib-e-kar 'ishq' hai

hamdam dayar-e-'ishq hai 'aql kahan aur main kahan