baat kahne ki nahin taqat shikayat kya karun

baat kahne kī nahīñ tāqat shikāyat kyā karūñ

'ishq ruḳhsat de to shor-e-hashr ab barpā karūñ

kaj-ravī par us kī aatā hai Dubā duuñ ashk se

dūd-e-āh-e-dil se aur hī maiñ falak paidā karūñ

dīn-o-īmāñ aur dil-o-jāñ rū-numā.ī de chuke

hai rahā kyā jo ḳharīdār us kā ho saudā karūñ

sun ke bāteñ 'aql kī īzā.eñ kyā kyā tū ne diiñ

mujh ko phir to dil na kahiyo jo na maiñ rusvā karūñ

avval-o-āḳhir ko merā 'ishq' kaafī hai mujhe

fikr be-jā hai agar imroz yā fardā karūñ

baat kahne ki nahin taqat shikayat kya karun

'ishq ruKHsat de to shor-e-hashr ab barpa karun

kaj-rawi par us ki aata hai Duba dun ashk se

dud-e-ah-e-dil se aur hi main falak paida karun

din-o-iman aur dil-o-jaan ru-numai de chuke

hai raha kya jo KHaridar us ka ho sauda karun

sun ke baaten 'aql ki izaen kya kya tu ne din

mujh ko phir to dil na kahiyo jo na main ruswa karun

awwal-o-aKHir ko mera 'ishq' kafi hai mujhe

fikr be-ja hai agar imroz ya farda karun