koi but kahte hain aur koi KHuda kahte hain
koī but kahte haiñ aur koī ḳhudā kahte haiñ
ham se jo pūchho to donoñ se judā kahte haiñ
dard se laḳht-e-jigar āñkhoñ meñ lā kahte haiñ
hañs ke kahtā hai tamarrud use kyā kahte haiñ
dil ke dene ke barābar koī taqsīr bhī hai
jo mujhe kahte haiñ yaaro so bajā kahte haiñ
baat hai ek samajhne meñ tafāvut Tuk hai
kufr-o-islām ko nādāñ hī judā kahte haiñ
ek din dard se betāb ho us se ye kahā
is taġhāful ko ġhalat-kār vafā kahte haiñ
jis ke dil ko lagī ho so hī to samjhe varna
'ishq' ko koī burā koī bhalā kahte haiñ
koi but kahte hain aur koi KHuda kahte hain
hum se jo puchho to donon se juda kahte hain
dard se laKHt-e-jigar aankhon mein la kahte hain
hans ke kahta hai tamarrud use kya kahte hain
dil ke dene ke barabar koi taqsir bhi hai
jo mujhe kahte hain yaro so baja kahte hain
baat hai ek samajhne mein tafawut Tuk hai
kufr-o-islam ko nadan hi juda kahte hain
ek din dard se betab ho us se ye kaha
is taghaful ko ghalat-kar wafa kahte hain
jis ke dil ko lagi ho so hi to samjhe warna
'ishq' ko koi bura koi bhala kahte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
