aah phir tujhko ai be-rahm KHabar karte hain

aah phir tujh ko ai be-rahm ḳhabar karte haiñ

ya'anī aa jā dam-e-āḳhir hai safar karte haiñ

apne aañsū kā hī tūfān nazar aatā hai

hālat-e-girya meñ jis samt nazar karte haiñ

vasl aur hijr ke 'ālam ko na pūchho ham se

Darte Darte kabhī us samt guzar karte haiñ

rañj sau tarh ke 'āshiq ko agar hoveñ nasīb

'ishq-bāzī meñ vo kab chashm ko tar karte haiñ

dekhiye gauhar-e-maqsūd ko kab pahuñche 'ishq'

'umr hai guzrī ki ham ḳhaak basar karte haiñ

aah phir tujh ko ai be-rahm KHabar karte hain

ya'ani aa ja dam-e-aKHir hai safar karte hain

apne aansu ka hi tufan nazar aata hai

haalat-e-girya mein jis samt nazar karte hain

wasl aur hijr ke 'alam ko na puchho hum se

Darte Darte kabhi us samt guzar karte hain

ranj sau tarh ke 'ashiq ko agar howen nasib

'ishq-bazi mein wo kab chashm ko tar karte hain

dekhiye gauhar-e-maqsud ko kab pahunche 'ishq'

'umr hai guzri ki hum KHak basar karte hain