na hum kaba ko jate hain na dair hi mein bhaTakte hain

na ham ka'aba ko jaate haiñ na dair hī meñ bhaTakte haiñ

jahāñ tum paañv ko rakhte ho vaañ ham sar paTakte haiñ

falak Tuk haath uThā apnā jafā se pīstā hai kyuuñ

hue haiñ ḳhaak to bhī terī āñkhoñ meñ khaTakte haiñ

butoñ kī sar-kashī aur ḳhāksārī apnī kyā kahiye

jo lapToñ gard ho dāman meñ dāman ko jhaTakte haiñ

dil-e-pur-ābla ko DhūñDhtā zulfoñ tilak pahuñchā

hazāroñ ḳhosha-e-añgūr se dekhe laTakte haiñ

vo aur hī shaḳhs haiñ jo ḳhauf kī bātoñ se Darte haiñ

unheñ jumbish nahīñ aatī jahāñ 'āshiq aTakte haiñ

ba-rañg-e-māh-o-kHor din-rāt ghar-ghar aate jaate haiñ

jahāñ sunte haiñ nām-e-'ishq vaañ ḳhūbāñ ThiTakte haiñ

na hum ka'aba ko jate hain na dair hi mein bhaTakte hain

jahan tum panw ko rakhte ho wan hum sar paTakte hain

falak Tuk hath uTha apna jafa se pista hai kyun

hue hain KHak to bhi teri aankhon mein khaTakte hain

buton ki sar-kashi aur KHaksari apni kya kahiye

jo lapTon gard ho daman mein daman ko jhaTakte hain

dil-e-pur-abla ko DhunDhta zulfon tilak pahuncha

hazaron KHosha-e-angur se dekhe laTakte hain

wo aur hi shaKHs hain jo KHauf ki baaton se Darte hain

unhen jumbish nahin aati jahan 'ashiq aTakte hain

ba-rang-e-mah-o-kHor din-raat ghar-ghar aate jate hain

jahan sunte hain nam-e-'ishq wan KHuban ThiTakte hain