نہ ہم کعبہ کو جاتے ہیں نہ دیر ہی میں بھٹکتے ہیں

نہ ہم کعبہ کو جاتے ہیں نہ دیر ہی میں بھٹکتے ہیں

جہاں تم پاؤں کو رکھتے ہو واں ہم سر پٹکتے ہیں

فلک ٹک ہاتھ اٹھا اپنا جفا سے پیستا ہے کیوں

ہوئے ہیں خاک تو بھی تیری آنکھوں میں کھٹکتے ہیں

بتوں کی سرکشی اور خاکساری اپنی کیا کہیے

جو لپٹوں گرد ہو دامن میں دامن کو جھٹکتے ہیں

دل پر آبلہ کو ڈھونڈھتا زلفوں تلک پہنچا

ہزاروں خوشۂ انگور سے دیکھے لٹکتے ہیں

وہ اور ہی شخص ہیں جو خوف کی باتوں سے ڈرتے ہیں

انہیں جنبش نہیں آتی جہاں عاشق اٹکتے ہیں

برنگ ماہ و خور دن رات گھر گھر آتے جاتے ہیں

جہاں سنتے ہیں نام عشق واں خوباں ٹھٹکتے ہیں