bin tere ek aan rahun ye kabhi na ho

bin tere ek aan rahūñ ye kabhī na ho

vo zindagī hī marg hai jo paas tū na ho

āzār duuñ kisī ko ye mujh se kabhī na ho

rahtā hai ḳhauf dil meñ ki us dil meñ tū na ho

vo dil hī kyā hai jis ko na ho justujū tirī

vo kyā zabāñ hai jis pe tirī guftugū na ho

nā’ra vahī hai kaam kā tāsīr jis meñ ho

kis kaam kī vo hū hai ki jis hū meñ hū na ho

jo aarzū hai us kā natīja hai infi’āl

behtar ye aarzū hai ki kuchh aarzū na ho

nisbat nahīñ hai aag se kuchh ā.īna ko 'ishq'

vo tere soz-e-dil ke kabhī rū-ba-rū na ho

bin tere ek aan rahun ye kabhi na ho

wo zindagi hi marg hai jo pas tu na ho

aazar dun kisi ko ye mujh se kabhi na ho

rahta hai KHauf dil mein ki us dil mein tu na ho

wo dil hi kya hai jis ko na ho justuju teri

wo kya zaban hai jis pe teri guftugu na ho

na’ra wahi hai kaam ka tasir jis mein ho

kis kaam ki wo hu hai ki jis hu mein hu na ho

jo aarzu hai us ka natija hai infi’al

behtar ye aarzu hai ki kuchh aarzu na ho

nisbat nahin hai aag se kuchh aaina ko 'ishq'

wo tere soz-e-dil ke kabhi ru-ba-ru na ho