haqiqaton mein tumhin ho tasawwuraat mein tum

haqīqatoñ meñ tumhīñ ho tasavvurāt meñ tum

mere qarīb ho itne merī hayāt meñ tum

maiñ manziloñ se bhaTak jā.ūñ ġhair mumkin hai

ho merī ruuh meñ maujūd merī zaat meñ tum

ye gardisheñ mere dāman ko chhū nahīñ saktīñ

mujhe yaqīn hai jab tak ho mere saath meñ tum

talāsh kar ke bhī dekhā nahīñ milā tum sā

vo ek husn-e-mujassam ho kā.enāt meñ tum

tumhārā zikr merī zindagī kā maqsad hai

har ek sher meñ tum ho har ek baat meñ tum

har ek din hai terī justujū terī chāhat

junūn-e-ishq kī shāmil har ek raat meñ tum

tumhāre qurb kā hāsil merī zamānat hai

qazā ke vaqt bhī 'shāyāñ' kī najāt meñ tum

haqiqaton mein tumhin ho tasawwuraat mein tum

mere qarib ho itne meri hayat mein tum

main manzilon se bhaTak jaun ghair mumkin hai

ho meri ruh mein maujud meri zat mein tum

ye gardishen mere daman ko chhu nahin saktin

mujhe yaqin hai jab tak ho mere sath mein tum

talash kar ke bhi dekha nahin mila tum sa

wo ek husn-e-mujassam ho kaenat mein tum

tumhaara zikr meri zindagi ka maqsad hai

har ek sher mein tum ho har ek baat mein tum

har ek din hai teri justuju teri chahat

junun-e-ishq ki shamil har ek raat mein tum

tumhaare qurb ka hasil meri zamanat hai

qaza ke waqt bhi 'shayan' ki najat mein tum