husn-e-sirat rakho wafa rakkho

husn-e-sīrat rakho vafā rakkho

nek logoñ se rābta rakkho

mushkileñ bhī zarūr hal hoñgī

apne mālik kā aasrā rakkho

kaun dast-e-savāl le aa.e

tum saḳhāvat kā dar khulā rakkho

mīThī bolī se kaam bantā hai

apne lahje ko ras ghulā rakkho

jo tumheñ bhuul jaa.eñ un se bhī

milne-julne kā silsila rakkho

bach ke nafrat ke un añdheroñ se

ghar meñ ulfat kā ik diyā rakkho

tā ki bātil na sar uThā paa.e

apnī tāqat kā dabdaba rakkho

zer-e-ḳhanjar bhī hukm hai 'shāyān'

lab pe tazkīr-e-lā-ilāh rakkho

husn-e-sirat rakho wafa rakkho

nek logon se rabta rakkho

mushkilen bhi zarur hal hongi

apne malik ka aasra rakkho

kaun dast-e-sawal le aae

tum saKHawat ka dar khula rakkho

miThi boli se kaam banta hai

apne lahje ko ras ghula rakkho

jo tumhein bhul jaen un se bhi

milne-julne ka silsila rakkho

bach ke nafrat ke un andheron se

ghar mein ulfat ka ek diya rakkho

ta ki baatil na sar uTha pae

apni taqat ka dabdaba rakkho

zer-e-KHanjar bhi hukm hai 'shayan'

lab pe tazkir-e-la-ilah rakkho