hai jahan ke rang-o-bu se tera husn aashkara

hai jahāñ ke rañg-o-bū se tirā husn āshkārā

tire dam se hī munavvar hai falak kā ye nazāra

ki tire jamāl-e-rukH kī tābāniyoñ ko le kar

koī chāñd ban gayā hai koī ban gayā sitāra

tujhe sāmne biThā kar karūñ maiñ nigāh raushan

to mire junūñ kā hāsil mire 'ishq kā kināra

tujhe dekh le jo 'āshiq vo kahāñ kisī ko dekhe

tū hasīn is qadar hai tū jahāñ meñ itnā pyārā

tirī justujū ko le kar maiñ bhaTak rahā thā kab se

ye tirī karam-navāzī mujhe de diyā sahārā

mujhe kyā ġharaz kisī se maiñ tirā marīz-e-ġham huuñ

mirī samt ik nazar ho mirā dil hai pāra-pāra

vo kahe to mujh ko 'shāyāñ' karūñ ḳhud ko us pe qurbāñ

maiñ ye jaan nazr kar duuñ vo kare agar ishāra

hai jahan ke rang-o-bu se tera husn aashkara

tere dam se hi munawwar hai falak ka ye nazara

ki tere jamal-e-rukH ki tabaniyon ko le kar

koi chand ban gaya hai koi ban gaya sitara

tujhe samne biTha kar karun main nigah raushan

to mere junun ka hasil mere 'ishq ka kinara

tujhe dekh le jo 'ashiq wo kahan kisi ko dekhe

tu hasin is qadar hai tu jahan mein itna pyara

teri justuju ko le kar main bhaTak raha tha kab se

ye teri karam-nawazi mujhe de diya sahaara

mujhe kya gharaz kisi se main tera mariz-e-gham hun

meri samt ek nazar ho mera dil hai para-para

wo kahe to mujh ko 'shayan' karun KHud ko us pe qurban

main ye jaan nazr kar dun wo kare agar ishaara