ek dil ki lagi hai jo bujhai nahin jati

ik dil kī lagī hai jo bujhā.ī nahīñ jaatī

ik 'ishq kī baazī hai jo haarī nahīñ jaatī

kis tarh guzārūñgā maiñ ik 'umr-e-gurezāñ

ik raat to ab mujh se guzārī nahīñ jaatī

jis raah ko taktā thā baḌe shauq se din-bhar

us raah pe ab merī nigah bhī nahīñ jaatī

thā riñd kā ye haal ki mai-kHāna bhī kam thā

ab buuñd halaq se bhī utārī nahīñ jaatī

tum kaise jahāñ bhar ke ḳhazānoñ pe ho qābiz

ham se to ye ġhurbat bhī sambhālī nahīñ jaatī

ik vaqt thā jab apnī hukūmat thī jahāñ meñ

mahkūmī kī ye shab to guzārī nahīñ jaatī

thā 'ishq kisī daur meñ anmol asāsa

ab to vo musībat hai jo paalī nahīñ jaatī

'shāyān' tire sāmne kāñToñ kā safar hai

chalne kī magar 'ādat ġhāzī nahīñ jaatī

ek dil ki lagi hai jo bujhai nahin jati

ek 'ishq ki bazi hai jo haari nahin jati

kis tarh guzarunga main ek 'umr-e-gurezan

ek raat to ab mujh se guzari nahin jati

jis rah ko takta tha baDe shauq se din-bhar

us rah pe ab meri nigah bhi nahin jati

tha rind ka ye haal ki mai-kHana bhi kam tha

ab bund halaq se bhi utari nahin jati

tum kaise jahan bhar ke KHazanon pe ho qabiz

hum se to ye ghurbat bhi sambhaali nahin jati

ek waqt tha jab apni hukumat thi jahan mein

mahkumi ki ye shab to guzari nahin jati

tha 'ishq kisi daur mein anmol asasa

ab to wo musibat hai jo pali nahin jati

'shayan' tere samne kanTon ka safar hai

chalne ki magar 'adat ghazi nahin jati