mohabbat ho gai badnam phir se

mohabbat ho ga.ī badnām phir se

hamāre naam kar do jaam phir se

huā hai hijr meñ ye haal merā

sahr bhī lag rahī hai shaam phir se

pahuñch paayā nahīñ shāyad abhī tak

use tum bhej do paiġhām phir se

mujhe tasvīr hī us kī dikhā do

zarā mil jā.egā ārām phir se

garebāñ chaak kar ke phir rahāñ huuñ

mirā qissa huā hai 'aam phir se

agar tum 'ishq ko bhī jurm likh do

milegā jurm kā in'ām phir se

vo merā ho rahegā dekhnā tum

huā hai mujh ko ye ilhām phir se

kisī kī yaad meñ dil ro rahā hai

are ‘shāyān’-e-dil ko thaam phir se

mohabbat ho gai badnam phir se

hamare nam kar do jam phir se

hua hai hijr mein ye haal mera

sahr bhi lag rahi hai sham phir se

pahunch paya nahin shayad abhi tak

use tum bhej do paigham phir se

mujhe taswir hi us ki dikha do

zara mil jaega aaram phir se

gareban chaak kar ke phir rahan hun

mera qissa hua hai 'am phir se

agar tum 'ishq ko bhi jurm likh do

milega jurm ka in'am phir se

wo mera ho rahega dekhna tum

hua hai mujh ko ye ilham phir se

kisi ki yaad mein dil ro raha hai

are ‘shayan’-e-dil ko tham phir se