mizaj barham KHayal mudgham sukun ghaarat wajh tumhi ho

mizāj barham ḳhayāl mudġham sukūn ġhārat vaj.h tumhī ho

visāl maqsad firāq hāsil alam musībat vaj.h tumhī ho

udaas sub.heñ 'azāb rāteñ balā kī bāteñ ġhazab ke sapne

'azāb hālat shabāb aafat ḳharāb qismat vaj.h tumhī ho

gulāb lahja hasīñ tabassum balā kī āñkheñ kahāñ se lā.ūñ

surūr-o-farhat tumheñ muyassar mujhe hai diqqat vaj.h tumhī ho

hayāt bojhal mamāt mushkil sifāt 'aarī qiyās be-dam

havās be-ḳhud nishāt ġhā.eb 'ajab hai hālat vaj.h tumhī ho

firāq chhoḌo visāl kar lo ġharīb kā kuchh ḳhayāl kar lo

ujaaḌ bastī na shor-o-mastī na koī jalvat vaj.h tumhī ho

chaman meñ raunaq fazā meñ ḳhushbū havā meñ huluvvat tumhī se thī kal

ḳhamosh gulshan sharār mausam fazā meñ shiddat vaj.h tumhī ho

sukūn chāhūñ qarār māñgūñ maiñ ulfatoñ kā hisār māñgūñ

yahī to 'shāyāñ' dil lagī hai agar hai furqat vaj.h tumhī ho

mizaj barham KHayal mudgham sukun ghaarat wajh tumhi ho

visal maqsad firaq hasil alam musibat wajh tumhi ho

udas subhen 'azab raaten bala ki baaten ghazab ke sapne

'azab haalat shabab aafat KHarab qismat wajh tumhi ho

gulab lahja hasin tabassum bala ki aankhen kahan se laun

surur-o-farhat tumhein muyassar mujhe hai diqqat wajh tumhi ho

hayat bojhal mamat mushkil sifat 'ari qiyas be-dam

hawas be-KHud nishat ghaeb 'ajab hai haalat wajh tumhi ho

firaq chhoDo visal kar lo gharib ka kuchh KHayal kar lo

ujaD basti na shor-o-masti na koi jalwat wajh tumhi ho

chaman mein raunaq faza mein KHushbu hawa mein huluwwat tumhi se thi kal

KHamosh gulshan sharar mausam faza mein shiddat wajh tumhi ho

sukun chahun qarar mangun main ulfaton ka hisar mangun

yahi to 'shayan' dil lagi hai agar hai furqat wajh tumhi ho