hum apne ghar se nikal kar kahan ko jaenge

ham apne ghar se nikal kar kahāñ ko jā.eñge

'adū ke vāste ham apnā ghar sajā.eñge

bulā ke lā.iyo ḳhvāboñ se Darne vāloñ ko

ham aaj ḳhvāb kī tā'bīr bhī batā.eñge

hamāre dil pe bas ik baar haath rakh ke kaho

tumhāre naam kī dhaḌkan kise sunā.eñge

vahī to zarf hai apnā abhī talak jānāñ

kisī ne dil bhī dukhāyā to muskurā.eñge

vo ham se ḳhaar bhī māñgeñ to phuul deñge ham

kisī kī raah meñ kāñTe nahīñ bichhā.eñge

agar ye jañg hai apnoñ ke darmiyāñ to suno

ham is meñ jiit bhī jaa.eñ to haar jā.eñge

vafā kī raah meñ 'shāyāñ' chalne vāloñ ko

yahāñ ke log to zālim haiñ phir satā.eñge

hum apne ghar se nikal kar kahan ko jaenge

'adu ke waste hum apna ghar sajaenge

bula ke laiyo KHwabon se Darne walon ko

hum aaj KHwab ki ta'bir bhi bataenge

hamare dil pe bas ek bar hath rakh ke kaho

tumhaare nam ki dhaDkan kise sunaenge

wahi to zarf hai apna abhi talak jaanan

kisi ne dil bhi dukhaya to muskuraenge

wo hum se KHar bhi mangen to phul denge hum

kisi ki rah mein kanTe nahin bichhaenge

agar ye jang hai apnon ke darmiyan to suno

hum is mein jit bhi jaen to haar jaenge

wafa ki rah mein 'shayan' chalne walon ko

yahan ke log to zalim hain phir sataenge