meri dhaDkanon mein basa hai tu mera tujh pe dar-o-madar hai

mirī dhaḌkanoñ meñ basā hai tū mirā tujh pe dār-o-madār hai

tuuhī merā sabr-o-qarār hai tū mire chaman kī bahār hai

jo tirī nazar meñ huuñ pur-ḳhatā jo tirī razā ho to de sazā

mire shauq kā hai ye silsila tirā dar hai terā dayār hai

tirī be-ruḳhī kā malāl hai tuuhī fikr hai tū ḳhayāl hai

terī zaat hī pe to munhasir mirī zindagī kā hisār hai

mire 'ishq kā tū junūn hai tirī diid merā sukūn hai

mire rū-ba-rū tū na ho agar na sukūn hai na qarār hai

tirī samt se jo ho be-ruḳhī to hai rā.egāñ mirī har ḳhushī

mire vāste to har ik ḳhushī tirā 'ishq hai tirā pyaar hai

mirā ek pal bhī na ho basar maiñ bichhaḌ ke tujh se jiyūñ agar

mirī maut kā na bane sabab ye jo hijr mujh pe savār hai

jo pilā ga.ī hai tirī nazar usī jaam kā to hai ye asar

mire zehn-o-dil meñ bhī aaj tak vahī nasha hai vo ḳhumār hai

jo 'hasan' kahe use chhoḌiye magar us ke dil ko na toḌiye

ye vafā kā dars-e-'azīm hai yahī chāhatoñ kā shi'ār hai

meri dhaDkanon mein basa hai tu mera tujh pe dar-o-madar hai

tuhi mera sabr-o-qarar hai tu mere chaman ki bahaar hai

jo teri nazar mein hun pur-KHata jo teri raza ho to de saza

mere shauq ka hai ye silsila tera dar hai tera dayar hai

teri be-ruKHi ka malal hai tuhi fikr hai tu KHayal hai

teri zat hi pe to munhasir meri zindagi ka hisar hai

mere 'ishq ka tu junun hai teri did mera sukun hai

mere ru-ba-ru tu na ho agar na sukun hai na qarar hai

teri samt se jo ho be-ruKHi to hai raegan meri har KHushi

mere waste to har ek KHushi tera 'ishq hai tera pyar hai

mera ek pal bhi na ho basar main bichhaD ke tujh se jiyun agar

meri maut ka na bane sabab ye jo hijr mujh pe sawar hai

jo pila gai hai teri nazar usi jam ka to hai ye asar

mere zehn-o-dil mein bhi aaj tak wahi nasha hai wo KHumar hai

jo 'hasan' kahe use chhoDiye magar us ke dil ko na toDiye

ye wafa ka dars-e-'azim hai yahi chahaton ka shi'ar hai