sitaron ke upar zamin hai nahin hai

sitāroñ ke uupar zamīñ hai nahīñ hai

ki do chaar māh-e-mubīñ hai nahīñ hai

nikaltā nahīñ shaiḳh kuTiyā se bāhar

kaho kyā yahī sirf diiñ hai nahīñ hai

sabhī aane vaale chale jā rahe haiñ

koī bhī yahāñ kā makīñ hai nahīñ hai

vo kahtā hai ham sā nahīñ milne vaalā

tumheñ is ke uupar yaqīñ hai nahīñ hai

bahut ḳhūbsūrat paḌe haiñ jahāñ meñ

batāo vahī ik hasīñ hai nahīñ hai

bhalā kaise hogī taraqqī hamārī

koī shahar bhar meñ amiiñ hai nahīñ hai

faqat ek mālik hai saare jahāñ kā

sivā us ke koī nahīñ hai nahīñ hai

hukūmat ke ‘shāyān’-e-shāñ tum kahāñ ho

jhukī rab ke aage jabīñ hai nahīñ hai

sitaron ke upar zamin hai nahin hai

ki do chaar mah-e-mubin hai nahin hai

nikalta nahin shaiKH kuTiya se bahar

kaho kya yahi sirf din hai nahin hai

sabhi aane wale chale ja rahe hain

koi bhi yahan ka makin hai nahin hai

wo kahta hai hum sa nahin milne wala

tumhein is ke upar yaqin hai nahin hai

bahut KHubsurat paDe hain jahan mein

batao wahi ek hasin hai nahin hai

bhala kaise hogi taraqqi hamari

koi shahar bhar mein amin hai nahin hai

faqat ek malik hai sare jahan ka

siwa us ke koi nahin hai nahin hai

hukumat ke ‘shayan’-e-shan tum kahan ho

jhuki rab ke aage jabin hai nahin hai