meri duaon ka anjam be-asar nikla

merī du'āon kā anjām be-asar niklā

tū mere haal se is darja be-ḳhabar niklā

ġhamoñ kī bārisheñ hone lagīñ mere dil par

tere ḳhayāl kī sarhad se meñ agar niklā

terī vafāoñ ke qisse ko jab paḌhā maiñ ne

jise tavīl samajhtā thā muḳhtasar niklā

jo mere qatl ke zāmin the kyā gilā un se

ye terā haath bhī mere lahū se tar niklā

ḳhushī to chhoḌ ga.i manziloñ se pahle hī

qadam qadam pe tirā ġham hī ham-safar niklā

maiñ tere 'ishq ke sahrā kī dhuup meñ jhulsā

na sā.ebāñ na koī raah meñ shajar niklā

jahāñ pe chhoTā lage harf-e-be-vafā.ī bhī

mire gumān se itnā vo bālā-tar niklā

haveliyāñ to vahm thiiñ tere taḳhayyul kī

zarā sī ḳhaak meñ 'shāyāñ' terā ghar niklā

meri du'aon ka anjam be-asar nikla

tu mere haal se is darja be-KHabar nikla

ghamon ki barishen hone lagin mere dil par

tere KHayal ki sarhad se mein agar nikla

teri wafaon ke qisse ko jab paDha main ne

jise tawil samajhta tha muKHtasar nikla

jo mere qatl ke zamin the kya gila un se

ye tera hath bhi mere lahu se tar nikla

KHushi to chhoD gai manzilon se pahle hi

qadam qadam pe tera gham hi ham-safar nikla

main tere 'ishq ke sahra ki dhup mein jhulsa

na saeban na koi rah mein shajar nikla

jahan pe chhoTa lage harf-e-be-wafai bhi

mere guman se itna wo baala-tar nikla

haweliyan to wahm thin tere taKHayyul ki

zara si KHak mein 'shayan' tera ghar nikla