ishq ka kyun aaj duniya mein kahin charcha nahin

'ishq kā kyuuñ aaj duniyā meñ kahīñ charchā nahīñ

husn ke jalve pe koī dil kahīñ taḌpā nahīñ

ab na vo jazb-o-junūñ baaqī rahā na soz-e-'ishq

misl-e-bistāmī jahāñ ne mah-jabīñ dekhā nahīñ

ab junaid baġhdādī haiñ shiblī na ruumī haiñ kahīñ

aaj tak duniyā ne aise dil-nashīñ dekhā nahīñ

lutf-o-rahmat misl-e-bārāñ 'ishq-e-bahr-e-be-karāñ

phir zamīn-o-āsmāñ ne vo hasīñ dekhā nahīñ

āftāb-e-'ishq-o-'irfāñ qutub-e-'ālam har zamāñ

shaiḳh jaisā sāhib-e-sadr-e-nashīñ dekhā nahīñ

rāzdān-e-'ishq-o-'irfāñ jab se chhoḌe ye jahāñ

kyuuñ 'sirāj' gosha-nashīñ hai ab kahīñ jaatā nahīñ

'ishq ka kyun aaj duniya mein kahin charcha nahin

husn ke jalwe pe koi dil kahin taDpa nahin

ab na wo jazb-o-junun baqi raha na soz-e-'ishq

misl-e-bistami jahan ne mah-jabin dekha nahin

ab junaid baghdadi hain shibli na rumi hain kahin

aaj tak duniya ne aise dil-nashin dekha nahin

lutf-o-rahmat misl-e-baran 'ishq-e-bahr-e-be-karan

phir zamin-o-asman ne wo hasin dekha nahin

aaftab-e-'ishq-o-'irfan qutub-e-'alam har zaman

shaiKH jaisa sahib-e-sadr-e-nashin dekha nahin

raazdan-e-'ishq-o-'irfan jab se chhoDe ye jahan

kyun 'siraj' gosha-nashin hai ab kahin jata nahin