is qadar hum na-tawan wazir hain

is qadar ham nā-tavāñ 'vazīr' haiñ

baazū apnī machhliyoñ ke ḳhaar haiñ

chāk-chāk apnā garebāñ ho chukā

in dinoñ dast-e-junūñ be-kār haiñ

rote haiñ ashkoñ ke badle ḳhūn-e-garm

abr haiñ ham lekin ātish-bār haiñ

jaate haiñ gulshan se le au bāġhbāñ

ham agar terī nazar meñ ḳhaar haiñ

dekh ke tujh ko magar hairāñ hue

ā.īne jo pusht-bar-dīvār haiñ

sāya-e-ḳhanjar meñ aayā ḳhvāb-e-marg

vaah kyā tāle.a mire bedār haiñ

kaun hai bezār in rozoñ 'vazīr'

ham jo apnī ziist se bezār haiñ

is qadar hum na-tawan 'wazir' hain

bazu apni machhliyon ke KHar hain

chaak-chaak apna gareban ho chuka

in dinon dast-e-junun be-kar hain

rote hain ashkon ke badle KHun-e-garm

abr hain hum lekin aatish-bar hain

jate hain gulshan se le au baghban

hum agar teri nazar mein KHar hain

dekh ke tujh ko magar hairan hue

aaine jo pusht-bar-diwar hain

saya-e-KHanjar mein aaya KHwab-e-marg

wah kya talea mere bedar hain

kaun hai bezar in rozon 'wazir'

hum jo apni zist se bezar hain