اس قدر ہم ناتواں وزیرؔ ہیں

اس قدر ہم ناتواں وزیرؔ ہیں

بازو اپنی مچھلیوں کے خار ہیں

چاک چاک اپنا گریباں ہو چکا

ان دنوں دست جنوں بیکار ہیں

روتے ہیں اشکوں کے بدلے خون گرم

ابر ہیں ہم لیکن آتش بار ہیں

جاتے ہیں گلشن سے لے او باغباں

ہم اگر تیری نظر میں خار ہیں

دیکھ کے تجھ کو مگر حیراں ہوئے

آئینے جو پشت بر دیوار ہیں

سایۂ خنجر میں آیا خواب مرگ

واہ کیا طالع مرے بیدار ہیں

کون ہے بیزار ان روزوں وزیرؔ

ہم جو اپنی زیست سے بیزار ہیں