naujawanon se tahi paya kanar-e-pir ko

naujavānoñ se tahī paayā kanār-e-pīr ko

is gumāñ meñ 'umr-bhar ham ne na dekhā tiir ko

tirchhī nazroñ se na dekho 'āshiq-e-dil-gīr ko

kaise tīr-andāz ho sīdhā to kar lo tiir ko

huuñ maiñ dīvāna mirī tasvīr bhī tinke chune

kahrubā ke rañg se khīñcho mirī tasvīr ko

tū na bosa de sakā lekin tire dīvāne ne

sar diyā shamshīr ko aur dast-o-pā zanjīr ko

haal is ġhaflat kade kā thā 'ayāñ roz-e-alast

ḳhvāb dekhā baa'd pahle sun liyā tā'bīr ko

dāman us gul kā jo aTkā phir ke dekhā naaz se

de ab ai bulbul du'ā.eñ ḳhār-e-dāman-gīr ko

paañv par dushman gire to jaan fikr-e-sar meñ hai

mat samajh be-vaj.h pā-e-sham.a par gul-gīr ko

naujawanon se tahi paya kanar-e-pir ko

is guman mein 'umr-bhar hum ne na dekha tir ko

tirchhi nazron se na dekho 'ashiq-e-dil-gir ko

kaise tir-andaz ho sidha to kar lo tir ko

hun main diwana meri taswir bhi tinke chune

kahruba ke rang se khincho meri taswir ko

tu na bosa de saka lekin tere diwane ne

sar diya shamshir ko aur dast-o-pa zanjir ko

haal is ghaflat kade ka tha 'ayan roz-e-alast

KHwab dekha ba'd pahle sun liya ta'bir ko

daman us gul ka jo aTka phir ke dekha naz se

de ab ai bulbul du'aen KHar-e-daman-gir ko

panw par dushman gire to jaan fikr-e-sar mein hai

mat samajh be-wajh pa-e-shama par gul-gir ko