martaba pata hai dast sim-bar mein aaina

martaba paatā hai dast sīm-bar meñ ā.īna

saaf aatā hai nazar chāñdī ke ghar meñ ā.īna

kaun dekhegā ilāhī apne muñh ko vaqt-e-sub.h

shaam hī se hai tamannā-e-sahar meñ ā.īna

de ke dil us sañg-e-dil ko saḳht pachhtātā huuñ maiñ

kyuuñ diyā maiñ ne kaf-e-be-dād gar meñ ā.īna

zauq aisā ḳhud-numā.ī kā hai rū-e-yār ko

ban gayā mus.haf rajab meñ aur safar meñ ā.īna

partav-e-rukHsār-e-jānāñ jalva-gar har shai meñ hai

aañkh ho to dekh har barg-e-shajar meñ ā.īna

likh sakā ḳhat meñ na jab vasf-e-safā-e-rū-e-yār

de diyā āḳhir ko dast-e-nāma-bar meñ ā.īna

rakh ke 'āriz us pe soyā thā jo vo ā.īna-rū

ban gayā gul-takiya us kā rāt-bhar meñ ā.īna

martaba pata hai dast sim-bar mein aaina

saf aata hai nazar chandi ke ghar mein aaina

kaun dekhega ilahi apne munh ko waqt-e-subh

sham hi se hai tamanna-e-sahar mein aaina

de ke dil us sang-e-dil ko saKHt pachhtata hun main

kyun diya main ne kaf-e-be-dad gar mein aaina

zauq aisa KHud-numai ka hai ru-e-yar ko

ban gaya mushaf rajab mein aur safar mein aaina

partaw-e-rukHsar-e-jaanan jalwa-gar har shai mein hai

aankh ho to dekh har barg-e-shajar mein aaina

likh saka KHat mein na jab wasf-e-safa-e-ru-e-yar

de diya aaKHir ko dast-e-nama-bar mein aaina

rakh ke 'ariz us pe soya tha jo wo aaina-ru

ban gaya gul-takiya us ka raat-bhar mein aaina